Acostumados a escribir, describir e relatar historias, o reto que lles propoñe Literatura.com a unha escola de escritores para a Feira do Libro de Madrid non é fácil: contar en “6 palabras a sua microbiografía.

Aqui temos a da nosa paisana, Yolanda Castaño, que se autobiografía desde xeito:

A los 7 años cayó en sus manos Gloria Fuertes y ya no la abandonaría nunca la fascinación por ese extraño modo de escribir sin llegar al borde de la página (pero sí al borde de las palabras). Con diez más, publicaría su primer libro, siempre en gallego (luego la traducción, ese mal necesario, esa cocina). Creció y le fueron naciendo brazos (como buena pulpa a la gallega) hacia otros lenguajes que apoyasen su impulso poético: versos que se vean, metáforas que se escuchen, palabras que se puedan comer. Vivió en un ciclo de erofanías, se sintió la sola más egoísta y últimamente, poco a poco, trata de mirar las cosas con mayor profundidad de campo.

Esta tarde, dentro do programa das Letras 2008 (pdf) na Biblioteca do Forum, Sechu Sende, escritor, poeta, activista cultural e domador de pulgas no Galiza Pulgas Circus, convidará a todos os asistentes a unha sexión de autohipnose para aprender, dunha vez por todas a falar galego.

Sende obtivo o Blanco Amor 2003 pola obra Orixe e o Anxel Casal ao Mellor Libro do Ano 2007 por Made in Galiza (2007), que tamen recibiu o Premio da Asociación de Editores Galegos.

Atreveraste a vir?

Toma nota:

• Onde: Biblioteca Forum Metropolitano
• Cando: Hoxe 14 de Maio as 19.30
  

O pasado Xoves, tal e como anunciáramos, tivemos a oportunidade de compartir tempo e espacio con Isaac Diáz Pardo na Biblioteca de Estudos Locais, e escoitar a experiencia vital desta memoria viva do galeguismo.

Da man da Concelleira de Cultura, Maria Xosé Bravo e da Directora da Biblioteca de Estudos Locais, Victoria Villanueva, Isaac rememorou ante un o numeroso público, os seus anos mozos, a relación co seu pai e as suas amizades coas grandes figuras da cultura e das artes do noso país.

Enterámosnos por Brétemas que O señor Lugrís e a negra sombra, obra de Luis Rei Núñez que limos no club de forum da mañá e do da tarde, acaba de acadar o galardon da Crítica 2007.

En O señor Lugrís e a negra sombra, o seu autor combina a biografía e a ficción para construír un relato en torno a figura do pintor galego. Un home que, segundo confesaba Luís Rei nunha entrevista en Galicia Hoxe con motivo da publicación da novela, que coa súa morte se vía reducido a tres tópicos, o último bohemio, un pintor surrealista e un pintor do mar, tópicos que o recente Premio da Crítica quixo derribar. "Eses tres sambenitos limitan demasiado unha realidade máis rica, exclúen ó Lugrís escritor, que tomou moi en serio a literatura", aseguraba Rei.

• A travesía dun século : (biografía de Rafael Dieste)
  
• Poetas andantes navegantes 
  
• Colección de bolboretas
  
• Expediente Artieda
  
• Oficio de escribir
  
• O corvo de chapapote
  
• A estrela dos polisóns
  
• Toda a vida
  

Calvin: Lin o libro da biblioteca que me colliches.

Nai: ¿E qué che pareceu?

Calvin: Realmente fíxome ver as cousas doutro xeito. Deume moito que pensar.

Nai: Alédome que o disfrutases.

Calvin: Estame complicando a vida. Non me collas ningun máis.

Para aqueles amantes da arte e da obra do mais gran humanista de todolos tempos, recomendamosvos Universal Leonardo, un programa integral de divulgación da obra de Leonardo xestionado pola University of Arts de Londres.

Impresionante e moi recomendable, a experiencia de navegación pola liña do tempo que aparece na cabeceira da web e que permite coñecer datos e visualizar documentos do autor.

Na biblioteca do Forum Metropolitano vimos de inaugurar unha nova sección para dar resposta as moitas veces que nos preguntades por libros para leer que se escapen das tipicas novidades ou listas dos máis vendidos… por iso temos un expositor onde iremos colocando aquelas obras, literarias ou non, que sacamos das estanterías para as descubrades…

En febreiro as nosas suxestións son:

• O cidadán do mes de Diego Ameixeiras
• Novecento : un monólogo de Alessandro Baricco
• Fragmentos de vida : una educación nada sentimental : novela biográfica de Sybille Bedford
• Windows on the World de Frédéric Beigbeder
• Freda de Kike Benlloch
• Un pintor de hoy de John Berger
• ...

 

Na Biblioteca do Forum Metropolitano podedes desfrutar dunha mostra bibliográfica que recopila os mellores libros de amor e paisón do noso fondo.

Amor, paixón, tenrura, vehemencia, idolatría, cariño, fervor, entusiasmo, afecto, adoración, fogosidade… todo isto e moito máis na selección de obras (de ficción e non ficción) que a Biblioteca Municipal Fórum Metroplitano ten preparada para todos nunha mostra biblográfica que enfronta a Don Carnal (amor tolo e pasional) con Dona Coresma (amor doce e inocente).

A guía de lectura (pdf) recolle algunha das nosas propostas.

O formato libro, sen dúbida está de moda e non peligra, por moito que os e-books se empeñen en desprecialo, para mostra unha nova idea incorporada aos libros impresos: a música.

Ao xeito dos libros infantis troquelados e con música incorporada, agora a empresa de tecnoloxía  Novasoft traballa na creación do T-Book, un libro en papel que incluirá sonidos que se escoitaran do xeito de banda sonora ao longo da lectura da obra.

No T-Book, á vez que se lee a novela aparecen os ruidos acordes có lugar e a situación, para crear o ambente idóneo. Físicamente trátarase dun pendrive que acompañará as obras.

Sen dúbida ainda queda moito por inventar…

[Vía Libreros] 

Poeta, catedrático e ensaista español nacido en Oviedo, Ángel González foi Premio Príncipe de Asturias das Letras en 1985 e Premio Internacional Salerno de Poesía en 1991. En xaneiro de 1996 foi elixido membro da Real Academia da Lingua Española. O mesmo ano ademais obtivo o Premio Reina Sofía de Poesía Iberoamericana. En 2001 obtén o Premio Julián Besteiro das Artes e as Letras. En 2004 convértese no primeiro gañador do Premio de Poesía Cidade de Granada-Federico García Lorca.

A súa poesía é máis intimista que social, cun particular e característico toque irónico, e trata asuntos cotiáns cunha linguaxe coloquial e urbano, nada neopopularista nin localista. O paso do tempo e a temática amorosa e cívica son as tres obsesións que se repiten ao longo e ancho dos seus poemas. A súa linguaxe é sempre puro, accesible e transparente; destílase nel un fondo ético de digna e humana fraternidad, que oscila entre a solidariedade e a liberdade, do mesmo xeito que o doutros colegas xeracionais como José Ángel Valente, Jaime Gil de Biedma, Carlos Barral, José Agustín Goytisolo e José Manuel Bonald.

Ángel González é sen dúbida un dos grandes poetas do noso tempo, e nas Bibliotecas Municipais da Coruña atopades gran parte da súa obra:

• Poemas / Ángel González ; edición del autor.—5ª ed. amp..—Madrid : Cátedra, D.L. 1993
• Tiempo inseguro : Ángel González / edición Susana Rivera.—Torremolinos (Málaga) : Litoral, 2002
• A todo amor : antología personal / Ángel González ; prólogo y nota biográfica de Paco Ignacio Taibo I.—3ª ed.—Madrid : Visor Libros, 2003
• La palabra en el aire [grabación sonora] / Pedro Guerra; Ángel González.—[Madrid] : BMG, D.L. 2003
• 101 + 19 = 120 poemas / Ángel González ; selección de Ángel González; prólogo de Luis García Montero.—4ª ed..—Madrid : Visor, 2003
• La poesía y sus circunstancias / Ángel González ; edición y prólogo de José Luis García Martín.—Barcelona : Seix Barral, 2005