O martes 4 de Xullo, Marina Mayoral, convidada pola editorial Xerais Galicia, presentará na Coruña o seu último libro Case perfecto:
O acto, que contará coa participación de Manuel Bragado, Ana Abelenda e Marina Mayoral, terá lugar ás 20,00 horas na Fnac, Mercado Eusebio da Guarda, Praza de Lugo, s/nº da Coruña.
Case perfecto, escrito en primeira persoa, incita ó lector non só a zambullirse na historia relatada, senon que obríganos a tomar partido:
Un científico famoso morre en circunstancias extrañas, semellantes ás que aparecen nunha novela escrita anos atrás pola súa dona, de quen vive separado. Un dos fillos acusa á nai de ser culpable desa morte. A nai para defenderse escríbelle unha longa carta na que analiza o papel que os distintos personaxes tiveron naquela morte. Case perfecto obriga ao lector a tomar partido, a decidir se está asistindo ao relato dun crimen “case perfecto” ou dun desgraciado suceso, produto do azar. Co seu peculiar sentido do humor e a sua habitual sutileza para penetrar nos recunchos máis fondos do ser humano, Marina Mayoral mostra en Case perfecto a complexa trama de sentimentos que une e desune aos membros dunha familia, coa que moitos lectores se sentirán indentificados.
Mayoral, Marina. Case perfecto—Vigo : Xerais, 2007—ISBN 979-84-9782-530-6
A obra acadou xa boas críticas, e se che entrou interese pola historia, recorda que a tes dispoñible nas Bibliotecas Municipais de A Coruña.
